Kung susukatin mo, ang halaga ng puso ko,
At kung nanaising, mapasa-iyo ito,
Wag kang mag-alala, ito’y di tulad ng iba
Ang kailangan ko lang ay pagpapahalaga.
Hindi na kailangan, mamahaling alahas
Ginto o dyamanteng singsing at kwintas
Gaano man kamahal, laman ng regalo
Kung di ako mahal, ako’y di para sa’yo
Isang tumpok man, ng mga bulaklak
Mula sa iyo’y aking matatanggap
Kung sa piling mo naman, ako’y iiyak
Mas mabuti pang, wag nang magpanggap
Kotse, bahay, palamuti sa katawan.
Di ito ang tunay, kong kinakailangan.
Simpleng pag-alaga, at pagmamahal
Isang tunay na pag-ibig at magtatagal.
Hindi milyon-milyon, o libo-libo
Ang halaga ng puso kung bibilhin mo.
Basta tapat ang pag-ibig mo,
Para sa iyo, ang puso ko’y piso.
Mag-subscribe sa:
I-post ang Mga Komento (Atom)
Walang komento:
Mag-post ng isang Komento